Бамбай Секьюрити Сервис ХХК ийн дэргэд 2003 онд байгуулагдсан сургалтын төв нь үйл ажиллагаандаа Монгол улсын боловсролын байгууллагын өмнө тавигдаж байгаа зорилт зорилготой уялдуулан зах зээлийн эрэлтэд нийцүүлэн харуул хамгаалалтын алба хаагчдыг болон хувийн бие хамгаалагчаар ажиллаж буй залуусыг мэргэшүүлэн сургаж байна.

Албаны мэдлэг, дадлага, чадвар олгох мэргэжлийн сургалтыг тусгай хөтөлбөрийн дагуу тасралтгүйгээр зохион байгуулж байна Эрх зүйн болон онолын мэдлэг олгох зорилгоор 60 хүний багтаамжтай хичээлийн танхим, бүх төрлийн тулааны урлагаар хичээллэх 50 хүртэлх хүний багтаамжтай бэлтгэлийн танхим, бие бялдрын хөгжил олгох фитнесс клуб ажиллуулахаас гадна ажлын байран дахь сургалтыг тогтмол явуулж байна.

Гадаадын ижил төрлийн байгууллагуудтай хамтран ажиллаж багш ажилчдын мэдлэг чадвар заах арга зүйг дээшлүүлж байдаг нь харуул хамгаалалтын алба хаагчдын мэдлэг чадварт эерэгээр нөлөөлж байдаг.

Уул уурхайн салбарт үүрэг гүйцэтгэх алба хаагч нарт хөдөлмөр хамгаалал, аюулгүй ажиллагааны сургалтыг Оюу Толгой ХХК тай хамтран, галын бэлтгэлийн болон галын аюулгүй байдлын сургалтыг Хууль сахиулах их сургууль, Онцгой байдлын гал унтраах ангиудтай, Гамшиг, галын түймрээс хамгаалах Монголын нийгэмлэгтэй хамтран, агаарын хөлгийн хамгаалалтын ажилтны сургалтыг Иргэний нисэхийн ерөнхий газрын сургалтын төвтэй хамтран алба хаагчдаа тусгайлан бэлтгэж байгаа маань тус сургалтын төв нь ажилчдын мэдлэг боловсролд ихээхэн анхаардаг болохыг харуулж байна.

Сургалтыг захиралын 2019 оны 03 дугаар сарын 26 ны өдрийн а/ 011 тоот тушаалаар батлагдсан анхан шатны, давтан, дээд шатны гэсэн 3 хэлбэрээр явуулдаг ба анхан шатны сургалтыг дараах хөтөлбөрийн дагуу явуулж шалгалтанд тэнцсэн алба хаагч нарыг 100 хувь ажлын байраар хангаж байна.